ئۇغىرىنى باپلاش

دۈشەنبە كۈنى ئىشقا ئالدىراپ ئاپتۇبۇسقا  چىقىپلا يانچۇقۇمدا ئاپتۇبۇس بېلىتى سېتىۋالىدىغان بىر يۈەن پۇلدىن باشقا ھېچنىمە يوقلۇقىنى بايقىدىم، باش بىكەتتىن ئاخىرقى بېكەتكىچە ھەر ھالدا تېچ- ئامان كېلىۋالدىم دەپ ئۆزەمچە يانچۇقۇمغا شۇنداق قولۇمنى سالسام يانچۇقۇمدا بىر نەچچە پارچەباغاقچە پەيدا بولۇپ قاپتۇ، ئېچىپ ئوقۇسام:  بىر ئەر كىشى تۇرۇپ يانچۇقىڭىغا ھېچنىمە سالمايلا سىرىتقا چىقىشتىن نومۇس قىلمامسەن!  دېگەن خەت بار ئىكەن.
    سەيشەنبە كۈنى يانچۇقۇمغا كونىراپ كەتكەن پۇل قاپچۇقۇمنى سېلىۋالدىم، ئەمما ئىچىدە ئاران بىر موچەن بار ئىدى، ئاخىرقى بېكەتكە بارغاندا قارىسام پۇل جايىدا تۇرۇپتۇ، ئەمما پۇل قاپچۇقۇمغا يەنە بىر پارچە باغاقچە قىستۇرۇلۇپ قاپتۇ، ئېچىپ ئوقۇسام: مەن قەلەندەر ئەمەس، كەسپىمگە ھاقارەت قىلما! دېگەن خەتلەر بار ئىكەن. 
    چارشەنبە كۈنى يانچۇقۇمغا يەنىلا شۇ كونىراپ كەتكەن پۇل قاپچۇقۇمنى سېلىۋالدىم، ئەمما ئىچىدە يۈز كويلۇق ساختا پۇل بار ئىدى، ئاخىرقى بېكەتكە بارغاندا قارىسام پۇل جايىدا تۇرۇپتۇ، ئەمما پۇل قاپچۇقۇمغا يەنىلا بىر پارچە باغاقچە قستۇرۇلۇپ قاپتۇ. ئېچىپ ئوقۇسام:   چوڭ سوممىلىق ساختا پۇلنى ساقلاش قانۇنغا خىلاپ، ئۆزەڭنى سوراپ مۇناسىۋەتلىك ئورۇنلارغا بەر! دېگەن خەتلەر بار ئىكەن.
     پەيشەنبە كۈنى بىر كونۋېرتقا ۋاقتى ئۇزۇن بولغان كەچلىك گېزىتنى سېلىۋالدىم، ئاخىرقى بېكەتكە بارغاندا قارىسام، كونۋىرىت بار ئىكەن، ئەمما كونا گېزىت ئەڭ يېڭى بۈگۈن ئەتىگەنلىك گېزىتكە ئالمىشىپ قاپتۇ ھەم بىر پارچە باغاقچە قىستۇرلۇپ قاپتۇ، ئېچىپ ئوقۇسام: ھازىر دېگەن ئۇچۇر دەۋرى، ئۇچۇرلارنى ۋاختىدا ئالماشتۇرۇپ تۇرغاندا، پۇرسەتنى چىق تۇتۇپ ئۇتۇق قازانغىلى بولىدۇ دېگەن خەت بار ئىكەن. 
جۈمە كۈنى مەن بىر ئويۇنچۇق قول تېلىفۇننى يانچۇقۇمغا سېلىۋالدىم ، ئاخىرقى بېكەتكە بارغاندا قول تېلىغۇن بار ئىكەن، ئەمما يەنىلا بىر پارچە باغاقچە پەيدا بولۇپ قاپتۇ، ئېچىپ قارىسام: بۇنداق چاقچاق قىلىپ بىزنىڭ شېركەتنىڭ نورمال خىزمىتىگە تەسىر يەتكۈزمە دېگەن خەتلەر بار ئىكەن. 
    شەنبە كۈنى بىر ئويۇنچۇق تاپانچىنى شىمىمنىڭ بېلىگە قىستۇرۋالغانتىم، ئاخىرقى بېكەتكە بارغاندا تاپانچا يوقاپ كېتىپتۇ، ئەمما شىمىمنىڭ بېلىگە بىر پارچە باغاقچە قىستۇرۇلۇپ قاپتۇ، ئېچىپ ئوقۇسام: مەن سەندەك بۇلاڭچىلارغا ئەڭ ئۆچ ، ئازراقمۇ كەسپىي سەۋىيەڭ يوقكەن، دېلو سادىر قىلىش قوراللىرىڭ مۇسادىرە قىلىندى! دېگەن خەتلەر بار ئىكەن. 
    يەكشەنبە كۈنى ئادەم ناھايىتى كۆپ بولغاچقا ئاپتۇبۇستا چىقالمىدىم، كېيىنكى نۆۋەتلىك ئاپتۇبۇسقا چىقاي دەپ يانچۇقۇمنى شۇنداق سىلىسام 20 يۈەن پەيدا بولۇپ قاپتۇ، ئۇنىڭدىن باشقا يەنە بىر باغاقچە بار ئىكەن، ئېچىپ ئوقۇسام: ئاكا، بىزدەك بۇ كەسىپنى قىلىدىغانلارغىمۇ كۈندە ئىسسىق-سوغاق، شامال بورانلاردا يۈرۈپ ئاسان ئەمەس،ساڭا 20 يۈەن سوۋغا قىلاي، قايەرگە بارماقچى بولسىاڭ تاكسى توسۇپلا بار، ئەمما بۇنىڭدىن كېيىن مېنى باپلايمەن دېمە ! دېگەن خەتلەر بار ئىكەن.